Yekaterinburgda oʻrdaksimon yurishga majburlanganlarga yordam berilmoqda
Bir necha kun avval Rossiyada migrantlarga qarshi reydlar oʻtkazilgan.
Ijtimoiy tarmoqlarda Rossiyaning Yekaterinburg shahrida oʻtkazilgan reyd videosi tarqalgan va unda bir guruh fuqarolar oʻrdaksimon usulda yurishga majburlagandi. Tashqi mehnat migratsiyasi agentligi mazkur holatga munosabat bildirdi.
"Dastlabki oʻrganishlardan maʼlum boʻlishicha, joriy yilning 17 yanvar kuni Yekaterinburg shahrida joylashgan qurilish maydonlarining birida IIV, FXX, Rosgvardiya va prokuratura xodimlari tomonidan “nolegal” reyd tadbiri oʻtkazilgan.
Ushbu qurilish ishlarida Markaziy Osiyo davlatlari fuqarolari vaqtincha ishlab kelgan. Reyd davomida 2 nafar Oʻzbekiston fuqarosi ham ushlangan va patentsiz mehnat faoliyatini amalga oshirgani sababli sudning qarori asosida Xorijiy fuqarolarni vaqtinchalik saqlash markaziga joylashtirilgan.
Ushbu yurtdoshlarimizning maʼlum qilishicha, huquq-tartibort organlari xodimlari qurilish binosiga kirgan vaqtda koʻplab mehnat migrantlari qochishga harakat qilgan va binoning orqa tomonidan qochyotgan vaqtida qoʻlga olingan. Fuqarolarning harakatlariga javoban huquq-tartibort organlari xodimlari ularni oʻtirib yurishga majbur qilgan" deyiladi maʼlumotda.
Hozirgi vaqtda ushbu holat Oʻzbekistonning Yekaterinburg shahridagi bosh konsulxonasi va Tashqi mehnat migratsiya agentligining Rossiyadagi vakolatxonasi tomonidan nazoratga olingan va yurtdoshlarga huquqiy va boshqa shakldagi yordam koʻrsatilmoqda.
Avvalroq Rossiya TIV tarixchi Smolininning Markaziy Osiyo xalqlari boʻyicha gaplariga izoh bergandi.