Global isish yangi virus falokatiga sabab boʻlishi kutilmoqda
Sibir muzliklari qaʼrida "zombi virus" topildi.
Insoniyatga yangi "zombi virus" xavf solmoqda. Hozirda u rasman qayd etilmagan boʻlsada, global isish virusni yuzaga chiqarishi mumkin.
Qadimgi Sibir viruslarining uygʻonishi global isish tufayli sodir boʻlishi mumkin; baʼzi "zombi viruslari" olimlar tomonidan hududda allaqachon aniqlangan, deydi Marsel universiteti genetik olimi Jan-Mishel Klaveri.
Uning taʼkidlashicha, jahon ilmiy hamjamiyati eʼtiborni issiq iqlimi boʻlgan mamlakatlarda kasallik tarqalish xavfiga qaratgan boʻlsa-da, shimoldan kelayotgan xavf beparvolik bilan unutilgan, deb yozadi The Guardian.
Hozirgi vaqtda pandemiya tahdidi tahlili janubiy hududlarda paydo boʻlishi va keyin shimolga tarqalishi mumkin boʻlgan kasalliklarga qaratilgan.
"Zombi virus" insonning xotira va aqlidan judo etishi va oʻlimga sabab boʻlishi bilan xavflidir, deydi olimlar.
Gazetaning qoʻshimcha qilishicha, endi olimlar qadimgi mikroorganizmlar va ular qoʻzgʻashi mumkin boʻlgan holatlarni kuzatish uchun Arktika monitoringi tarmoqlarini oʻrnatadilar.
Avvalroq zombilashish tahdidi boʻyicha tahlil eʼlon qilingandi.