Mersdan Malibugacha: agentlik rahbarlari qanday mashinada yuradi?
Ajratilgan xizmat mashinalari haqidagi maʼlumotlar ochiq manbalardan olindi.
Avvalroq vazirlar va hokimlarning xizmat mashinalari haqida surishtiruv olib borgan edik. Bu galgi surishtiruv esa agentlik rahbarlariga ajratilgan xizmat "toychoqlari"ga bagʻishlanadi.
Agentlik rahbarlariga ajratilgan xizmat mashinalari haqida rasmiy sahifalardagi ochiq manbalardan foydalanib maʼlumot tayyorladik.
Eslatib oʻtamiz, respublikamizda 25 ta agentlik bor. Shundan 11 tasining rasmiy saytidagi ochiq maʼlumotlar qismiga davlat organlari va tashkilotlari tasarrufidagi xizmat mashinalari, xizmat uylari va boshqa koʻchmas mulklar toʻgʻrisidagi maʼlumotlar bandida berib oʻtilgan.