"Paxtakor" sotuvi vaqtincha toʻxtatildi
Davaktiv bunga nima sabab boʻlganini izohladi.
Toshkentning "Paxtakor" klubi sotilmaydigan boʻldi. Bu haqda Davaktiv maʼlumot berdi.
"Tegishli xususiylashtirish dasturlariga muvofiq, joriy yilning 16-yanvar kuni Davlat aktivlarini boshqarish agentligining rasmiy veb-saytida "Paxtakor futbol klubi" MChJning 100 foiz davlat ulushi boʻyicha ommaviy savdo jarayonlari boshlanganligi toʻgʻrisida eʼlon berilgan edi.
Oʻtgan davr mobaynida jamoatchilik tomonidan bildirilgan fikrlarni oʻrgangan holda, "Paxtakor futbol klubi" MChJning 100 foiz davlat ulushi boʻyicha ommaviy savdo jarayonlari vaqtinchalik toʻxtatilganligi maʼlum qilinadi" deya maʼlum qildi agentlik.
17 yanvar kuni Oʻzbekistonning eng koʻp sovrin yutgan klubi sotuvga qoʻyilgani maʼlum boʻlgandi. Shundan soʻng, klub stadioni va uning atrofidagi yerlar ham sotilishi va xaridor tayyorligi haqida gap-soʻzlar tarqalgandi.