Qahramon Quronboyev yangi lavozimga saylandi
U Prezident Administratsiyasida ishlab kelayotgandi.
Oʻzbekiston mahallalari uyushmasi raisi lavozimiga Qahramon Quronboyev saylandi.
Shu munosabat bilan u Prezident Administratsiyasi Yoshlar siyosati departamentining rahbari lavozimidan ozod etildi.
Oʻzbekiston mahallalari uyushmasi raisining birinchi oʻrinbosari lavozimiga Jovdatxon Inogʻomov saylandi. Bunga qadar u Prezident huzuridagi Davlat xizmatini rivojlantirish agentligi Toshkent shahar filiali rahbari lavozimida ishlagan.
Oʻzbekiston mahallalari uyushmasi raisining oʻrinbosari lavozimiga Abdullo Aslonov saylandi. U bundan avval OʻzLiDeP Siyosiy Kengashi Ijroiya qoʻmitasi raisining yoshlar va tadbirkorlik masalalari boʻyicha oʻrinbosari, “Yoshlar qanoti” jamoatchilik Kengashi raisi lavozimida faoliyat yuritgan.
Eslatib oʻtamiz, oʻtgan yili dekabr oyida Oʻzbekiston mahallalari uyushmasini tuzish koʻzda tutilgan Prezident farmon eʼlon qilingandi.
