Pentagon rahbari saratonga chalingani aniqlandi
Avvalroq u yashirin tarzda davolanib chiqqandi.
AQSh Mudofaa vaziri Lloyd Ostinga prostata saratoni tashxisi qoʻyildi. Dekabr oyida Pentagon rahbari operatsiya qilingan.
Bu haqda Uolter Rid milliy harbiy tibbiyot markazi shifokorlari maʼlum qildi, deb yozadi Politico nashri. Qayd etilishicha, u 2024 yilning 1 yanvarida operatsiyadan keyingi asoratlar tufayli shifoxonaga yotqizilgan.
"Bayonotga koʻra, Ostin dekabr oyi boshida prostata bezini muntazam tekshiruvdan oʻtkazgan, natijada shifokorlar prostata saratonini aniqladilar.
22 dekabrda u umumiy behushlik ostida saratonni davolash uchun "minimal invaziv" operatsiyani oʻtkazdi, bu prostatektomiya deb ataladi.Ostin tuzalib, uyiga joʻnatilgan. Lekin 1 yanvar kuni u “22 dekabrdagi muolajadan kelib chiqqan asoratlar, jumladan, qorin, son va oyoqlarda kuchli ogʻriqlar bilan kechgan koʻngil aynishi bilan” shifoxonaga qayta yotqizilgan, deydi doktor Jon Maddoks va doktor Gregori Chesnut.
Eslatib oʻtamiz, AQSh mudofaa vazirining shifoxonaga yotqizilgani jamoatchilik va hatto prezident Baydendan yashirilgan va bu noroziliklarga sabab boʻlgandi.