Londonda pichoqbozlikka qarshi kampaniya boshlandi

Taniqli aktyor Idris Elba Britaniya hukumatini yoshlarning pichoqbozlik qurboni boʻlishini toʻxtatish uchun machete va tishli "zombi" pichoqlarini taqiqlashga chaqirmoqda.

Londonda tugʻilgan mashhur yulduz Parlament binosi tashqarisida "Kelajagingni toʻxtatma" aksiyasida namoyishchilar bilan birga, pichoqlanganlarning kiyim va poyabzallari bilan suratga tushdi.

Qurol nazorati boʻyicha qatʼiy qonunlarga ega Buyuk Britaniyada har 10 qotillikdan toʻrttasi pichoq yoki oʻtkir asbob bilan bogʻliq. Britaniya shaharlaridagi yoshlar ishtirokidagi pichoqbozlik bilan bogʻliq jinoyatlar ayniqsa tashvishli tus olmoqda.

Londonda 2023 yilda 21 nafar oʻsmir halok boʻlgan, ulardan 18 nafari pichoqlab oʻldirilgan.

"Men jim turolmayman, chunki bu shafqatsiz jinoyatlar tufayli koʻproq yosh hayot qurbon boʻladi", deydi Elba.

"Maktab boshlanishi bilan juda koʻp yoshlar oʻz sinfdoshlariga bir umrga qoʻshilmaydilar va juda koʻp oilalar sevgan farzandlarini yoʻqotdilar" deya nutqini yakunlagan aktyor.