Ekologiyasi buzilgan toshkentliklarga niqob taqish tavsiya etildi
Poytaxt xalqaro reytingda hatto Hindiston shaharlarini ham ortda qoldirdi.
Toshkent aholisiga niqob taqish tavsiya etilmoqda.
Xalqaro "Havo sifati indeksi" sayti ayni vaqtda Toshkent shahri havosida PM 2.5 konsentratsiyasi JSST havo sifatining yillik standartidan 13,4 baravar yuqoriligini koʻrsatmoqda.
Oʻzbekiston poytaxti havo iflosligi boʻyicha hatto Mumbay va Lahor shaharlarini ham ortda qoldirgan.
Sayt bu yerdagi havo sifatini nosogʻlom, deya baholagan. Va Toshkent aholisiga tashqarida mashq qilmaslik, iflos havodan saqlanish uchun derazalarni yopish, maska taqish hamda havo tozalagichlarni ishga tushirishni(agar bunday uskuna boʻlsa albatta) tavsiya etmoqda.
Eslatib oʻtamiz, soʻnggi vaqtda chang-toʻzon hodisalari nafaqat Toshkent, balki Oʻzbekiston uchun odatiy jarayonga aylanib bormoqda. Avvalroq BMT ham Oʻzbekistondagi holat boʻyicha tashvishli bayonot bergandi.