Toshkent viloyatida ham jamoat transporti qimmatladi
Bu boʻyicha tegishli qaror eʼlon qilindi.
Toshkent viloyati shaharlarida jamoat transporti narxi oʻzgardi. Bu haqda Xalq deputatlari viloyati kengashi qarori eʼlon qilindi.
Aytilishicha, yoʻlovchilar tashish faoliyati bilan shugʻullanuvchi barcha korxona va tashkilotlarga qarashli yoʻnalishlardagi yoʻlovchilar tashish xizmatlarining cheklangan tariflari qayta ishlab chiqilgan.
Unga koʻra, avtobuslarda 1 nafar yoʻlovchi uchun 1 500 soʻm, yoʻnalishli taksi (mikroavtobus)larda 2 000 soʻm etib belgilandi.
Qaror 2023 yil 29 dekabrda eʼlon qilingan, hujjat oʻsha paytdayoq kuchga kirishi belgilangan.
Eslatib oʻtamiz, avval Toshkent shahri, Sirdaryo va Fargʻona viloyatlarida ham jamoat transporti narxi oshgandi.