Shaxsiy biznesi bor hokimlar va amaldorlar oshkor boʻldi
Ularning orasida 2 nafar hokim, 1 nafar vazir oʻrinbosari ham bor.
Jamiyat
3-yanvar, 19:34
![Shaxsiy biznesi bor hokimlar va amaldorlar oshkor boʻldi](https://cp.platina.uz/media/CACHE/images/y0G44DnW0NsUyDIvQCVYoJOD4B0n0Bwk_dGjybDR.c7342c451693.webp)
Korrupsiyaga qarshi kurashish agentligi shaxsiy biznesi bor hokimlar va bir qator amaldorlarni oshkor qildi.
OAV va ijtimoiy tarmoqlarda ayrim mansabdor shaxslar tadbirkorlik bilan shugʻullanib kelayotganiga oid eʼlon qilingan xabarlar va boshqa ochiq maʼlumotlar asosida oʻtkazilgan oʻrganishlar bunga asos boʻlgan.
Xususan:
- “Qimmatli qogʻozlar markaziy depozitariysi” DUK bosh direktori Sherali Abdujabbarov;
- Mirobod tuman hokimi Anvar Sayfutdinov;
- “Milliy antidoping agentligi” rahbari Abdushukur Sadikov;
- “Axborotlashtirish bosh markazi” UK rahbari Dilshod Sarixodjayev;
- Boʻston tumani hokimi Sanobar Nosirova;
- “Milliy PR-markazi” DUK direktori Dilfuza Samandarova;
- Energetika vaziri oʻrinbosari Umid Mamadaminov;
- Farmatsevtika tarmogʻini rivojlantirish agentligi direktori Abdulla Azizov.
Manfaatlar toʻqnashuvi holatlarini bartaraf etish yuzasidan agentlik koʻrgan choralar natijasida ularning taʼsischilik va rahbarlik faoliyatlari tugatilgan.