Portlash joyiga bosh vazir va boshqa masʼullar yetib bordi
Ayni paytda yongʻin maydoni, jabrlanuvchilar soni aniqlanmoqda.
Sergeli tumanidagi “Inter Logistika” MChJga tegishli omborxonada yuz bergan portlash joyiga bosh vazir Abdulla Aripov, Ichki ishlar vaziri va poytaxt hokimi va boshqa masʼullar yetib borgan.
Ayni paytda yongʻin maydoni, jabrlanuvchilar soni aniqlanmoqda. Voqea joyida 12 ta avtotsisterna va 4 ta maxsus jihozlangan avtomashina, tez-tibbiy yordam xodimlari ishlayapti.
Yongʻin oqibatida jarohatlanganlar Respublika shoshilinch tibbiy yordam ilmiy markazi va uning Toshkent viloyat filialiga olib borilgan.
Hozirga qadar ular orasida oʻta ogʻir tan jarohati olganlar yoʻqligi aytilgan. Yongʻin oqibatida voqea joyi va uning atrofidagi xonadonlarda jarohatlanganlarga ham shoshilinch tibbiy yordam koʻrsatilmoqda.