Abdusattorovda kumush, Sindorovda bronza. Soʻnggi natijalar
Shuningdek, Umida Omonova Oʻzbekiston delegatsiyasi hisobiga kumush medalni taqdim qildi.
Sport
28-sentabr 2023 yil
Shaxmat boʻyicha Oʻzbekiston terma jamoasi ham delegatsiyamiz hisobiga qoʻshaloq medallar taqdim qildi.
Erkaklar oʻrtasidagi bahslarda Nodirbek Abdusattorov 7 ochko bilan kumush, Javohir Sindorov esa 6.5 ochko bilan bronza medaliga sazovor boʻldi.
Shuningdek, Umida Omonova Oʻzbekiston delegatsiyasi hisobiga kumush medalni taqdim qildi. 9 tur yakuniga koʻra, Omonova 6.5 ochko bilan ikkinchi natijani qayd etdi va kumush medal bilan taqdirlandi.
Oʻq otish dasturida delegatsiyamiz hisobiga yana bir medal yozildi. Vladimir Svechnikov 10 metrga pnevmatik toʻpponchadan otish dasturida bronza medaliga sazovor boʻldi.
