Oʻzbek bankidan katta pul oʻmargan shaxs Rossiyada qoʻlga olindi
Gumonlanuvchi hibsga olingan va vataniga deportatsiya qilinishi kutilmoqda.
Sankt-Peterburgda yirik miqdordagi mablagʻni oʻzlashtirishda gumon qilingan oʻzbekistonlik shaxs qoʻlga olindi. Hozir uni tergovchi va xorijiy bank vakillari kutmoqda, deya xabar berdi 47news nashri huquq-tartibot idoralariga asoslanib.
Nashr xabariga koʻra, 21 sentabrga oʻtar kechasi jinoyat qidiruv xodimlari Sankt-Peterburgdagi Pulkovskoye shossesidagi uylardan birining yonida 36 yoshli Oʻzbekiston fuqarosini qoʻlga olgan. U katta hajmdagi pulni oʻzlashtirish boʻyicha jinoiy ishda gumonlanmoqda.
Tergov maʼlumotlariga koʻra, u 2021 yilning yanvar-aprel oylari davomida jinoiy guruh tarkibida bankka tegishli 5 milliard oʻzbek soʻmini oʻzlashtirgan.
Gumonlanuvchi hibsga olingan va vataniga deportatsiya qilinishi kutilmoqda.
Avvalroq Kurill orollarida 4 oʻzbekistonlik qahramonlik koʻrsatgani xabar berilgandi.