Qorabogʻ masalasi: oʻt ochish toʻxtatiladi, hudud Ozarbayjonga integratsiya qilinadi
19 sentabr kuni Ozarbayjon mudofaa vazirligi Qorabogʻda harbiy operatsiya boshlagandi.
Ozarbayjonning Qorabogʻ hududidagi tan olinmagan respublika rasmiy Boku bilan muzokaralarga kirishishini eʼlon qildi.
Unda aytilishicha, muzokaralar 21 sentabr kuni Yevlax shahrida oʻtkaziladi.
Shuningdek, hududdagi arman qoʻshinlari qurolsizlantiriladi, ogʻir texnikalar olib chiqiladi. Muzokaralarda Qorabogʻni Ozarbayjonga integratsiya qilish, mahalliy armanlarning xavfsizligini taʼminlash masalalari koʻriladi.
Eslatib oʻtamiz, 19 sentabr kuni Ozarbayjon mudofaa vazirligi Qorabogʻda aksilterror operatsiya oʻtkazilishini eʼlon qilgandi. Operatsiya davomida tan olinmagan Qorabogʻ hududidagi nishonlarga zarba berildi.
Tan olinmagan respublika rasmiylari iddaosiga koʻra, operatsiya natijasida 32 kishi halok boʻldi.