Oʻzbekiston internet tezligi reytingida pastladi
Eng soʻnggi oʻrinlarni Suriya, Afgʻoniston va Kuba egallagan.
Oʻzbekiston simli internet tezligi boʻyicha jahon reytingida pastladi, mobil internet tezligi boʻyicha esa yuqoriladi.
2023 yil avgust oyida Oʻzbekiston Speedtest Global Index reytingida mobil internet tezligi reytingida 101-oʻrinni egallagan.
Iyul oyiga nisbatan mamlakat 11 pogʻonaga koʻtarilgan. Mobil internet tezligi 23,25 Mbit/s deb baholanmoqda.
Simli internet tezligi boʻyicha Oʻzbekiston 89-oʻrinni egalladi (iyulda 87-oʻrinda edi). Oʻrtacha tezlik - 51,95 Mbit / s. Oʻzbekistondan bir pogʻona tepada qoʻshni Qirgʻiziston, pastda esa Belarus joylashgan.
BAA eng tez mobil internet boʻyicha yetakchilikni qoʻlga olgan - 210,89 Mbit/s. Simli internet tezligi boʻyicha Singapur peshqadamlik qilmoqda – 254,65 Mbit/s.
Eng soʻnggi oʻrinlarni Suriya, Afgʻoniston va Kuba egallagan.