Sirdaryodagi tumanga yangi rahbar tayinlandi
Sessiyada tashkiliy masala koʻrib chiqildi.
Xalq deputatlari Xovos tumani Kengashining navbatdan tashqari sessiyasi boʻlib oʻtdi, unda tumanga yangi rahbar tasdiqlandi.
Sessiyada tashkiliy masala koʻrib chiqildi. Akmaljon Maxmudaliyev tuman hokimi lavozimiga hokim vazifasini bajarib kelayotgan Yoʻldoshev Ulugʻbek Xasanovich nomzodini tavsiya etdi.
Ovozga qoʻyish natijalariga koʻra, Ulugʻbek Yoʻldoshev Xovos tumani hokimi etib tasdiqlandi.
Ulugʻbek Yoʻldoshev tayinlovga qadar Sardoba tumani hokimining birinchi oʻrinbosari – tuman iqtisodiy taraqqiyot va kambagʻallikni qisqartirish boʻlimi boshligʻi lavozimida faoliyat yuritgan.
Eslatib oʻtamiz, shu paytgacha Xovos tumaniga Uchqun Kamolov rahbarlik qilib kelayotgandi.