Iqtisodiyot va moliya vazirining oʻrinbosarlari ishdan olindi
Shuningdek, vazirlikda boshqa muhim tayinlovlar amalga oshirildi.
Prezidentning tegishli qarori (PQ-261, 07.08.2023 yil) bilan iqtisodiyot va moliya vazirligida ayrim rahbar xodimlar lavozimga tayinlandi va ayrimlari lavozimidan ozod etildi. Jumladan:
Ilhom Ibroximovich Norqulov vazirning birinchi oʻrinbosari etib tayinlandi, shu munosabat bilan vazir oʻrinbosari lavozimidan ozod etildi;
Shuningdek, iqtisodiyot va moliya vazirining oʻrinbosarlari Erkin Erkamovich Rustamov hamda Dilshod Shuhratovich Sultanov boshqa ishga oʻtishi munosabati bilan, lavozimidan ozod etildi;
Ahadbek Yahyobekovich Haydarov vazir oʻrinbosari etib tayinlandi, shu munosabat bilan qishloq xoʻjaligi vazirining oʻrinbosari lavozimidan ozod etildi;
Abdulaziz Abdulahadovich Haydarov vazir oʻrinbosari etib tayinlandi, u bunga qadar byudjetdan tashqari Pensiya jamgʻarmasi direktori edi;
Otabek Rustamovich Fozilkarimov vazir oʻrinbosari etib tayinlandi, shu munosabat bilan sogʻliqni saqlash vazirining oʻrinbosari lavozimidan ozod etildi;
Bobur Botirovich Xodjayev vazir oʻrinbosari etib tayinlandi, shu munosabat bilan Prezident Administratsiyasining bank-moliya, soliq sohalarini rivojlantirish va “xufyona iqtisodiyot”ni qisqartirish shoʻʼbasi mudiri lavozimidan ozod etildi;
Jasur Hazratqulovich Qarshiboyev vazir oʻrinbosari etib tayinlandi;
Murodbek Bekberganovich Atadjanov vazirlik huzuridagi Gʻaznachilik xizmati qoʻmitasi raisi etib tayinlandi.