Markaziy bank toʻlov tashkilotlari va banklarni jiddiy ogohlantirdi
“BRIO GROUP” MChJ (OSON) toʻlov tashkilotiga nisbatan jarima sanksiyasi qoʻllanilgan.
![Markaziy bank toʻlov tashkilotlari va banklarni jiddiy ogohlantirdi](https://cp.platina.uz/media/CACHE/images/1pVU59jjkfzKVu0ZFwGqrHV-Zkl8PS4a.0c29cc713982.webp)
Markaziy bank nazorat qoʻmitasi yigʻilishlarida turli toʻlov tashkiloti va ularga xizmat koʻrsatuvchi banklar jinoiy faoliyatdan olingan daromadlarni legallashtirish va terrorizmni moliyalashtirish bilan bogʻliq xatarlar boʻyicha ogohlantirilgan.
Jumladan, bu masala boʻyicha “BRIO GROUP” MChJ (OSON) toʻlov tashkilotiga nisbatan jarima sanksiyasi qoʻllanildi, deyiladi MB matbuot xizmati xabarida. Bunga “Oʻzbekiston Respublikasining Markaziy banki toʻgʻrisida”gi qonun asos sifatida keltirilgan.
Nazorat qoʻmitasi birgina avgust oyida 7 ta yigʻilish oʻtkazildi va ularda jami 38 ta masala muhokama etildi hamda tegishli qarorlar qabul qilindi.
Bundan tashqari 1 ta mikromoliya tashkilotini reyestrdan chiqarish masala koʻrildi va 9 ta tijorat banki faoliyatida qoidabuzarliklar aniqlanganligi oqibatida chora va sanksiyalar qoʻllanilishi toʻgʻrisida ogohlantirildi.