Oʻzbekistonga dam olish uchun qaysi davlat vakillari koʻp kelayotgani ochiqlandi
Bu haqda Statistika agentligi maʼlumot berib oʻtdi.
Statistika agentligi maʼlumotlariga koʻra, 2023 yilning yanvar-iyul oylarida jami 3,7 mln nafar chet el fuqarolari turistik maqsadlarda Oʻzbekistonga tashrif buyurgan. Shundan 397,3 ming nafari dam olish maqsadida Oʻzbekistonga kelgan, ular ichida Rossiya fuqarolari yetakchilik qilmoqda.
Oʻzbekistonga 7 oyda eng koʻp dam olish maqsadida tashrif buyurgan davlatlar fuqarolari:
Rossiya – 137,2 ming nafar
Qozogʻiston – 33,6 ming nafar
Tojikiston – 21,5 ming nafar
Qirgʻiz R. – 20,3 ming nafar
Turkiya – 19,3 ming nafar
Hindiston – 14,3 ming nafar
Xitoy – 14,1 ming nafar
Turkmaniston — 13,5 ming nafar
Janubiy Koreya – 12,1 ming nafar
Germaniya — 10,6 ming nafar.
Umumiy tashriflar soni boʻyicha Tojikiston yetakchilik qilmoqda. Yetti oyda 1 151,4 ming nafar tojikistonlik Oʻzbekistonga kelgan. Keyingi oʻrinlarni Qirgʻiziston, Qozogʻiston va Rossiya egalladi.