Shavkat Mirziyoyev Ozarbayjonga yetib bordi
Eslatib oʻtamiz, tashrif doirasida Oʻzbekiston rahbari Ozarbayjon prezidenti Ilhom Aliyev bilan uchrashadi.
Oʻzbekiston prezidenti Shavkat Mirziyoyev Ozarbayjonga yetib bordi. Mirziyoyev va uning rafiqasini Ozarbayjon Bosh vazirining birinchi oʻrinbosari Yagub Eyyubov, tashqi ishlar vaziri oʻrinbosari Elnur Mammadov va boshqa rasmiy shaxslar kutib oldi.
Mirziyoyev rafiqasi Ziroatxon Mirziyoyeva bilan “Shahidlar” xiyobonini ziyorat qildi. Shuningdek, "Mangu alanga” monumenti poyiga gul qoʻydi.
Oʻzbekiston Prezidenti “Shahidlar xiyoboni” tarixi va Ozarbayjon poytaxtidagi obodonlashtirish ishlari bilan tanishar ekan, Bokuning panoramali manzarasidan bahramand boʻldi.
Eslatib oʻtamiz, tashrif doirasida Oʻzbekiston rahbari Ozarbayjon prezidenti Ilhom Aliyev bilan uchrashadi. Davlat rahbarlari ikki tomonlama munosabatlarni chuqurlashtirish masalalarini muhokama qiladi.
Bundan tashqari, davlat rahbarlarining Fuzuliy va Shusha shaharlariga safarlari rejalashtirilgan.