Maktablarda qachon oʻqish boshlanishi aniq boʻldi
Maktabgacha va maktab taʼlimi vazirligi bu masala boʻyicha maʼlumot berdi.
Oʻzbekistondagi maktablarda oʻquv yili 4 sentabrdan boshlanadi. Bu haqda Maktabgacha va maktab taʼlimi vazirligi xabar berdi.
Oʻzbekiston Respublikasi Prezidentining «2023 yilda rasmiy sanalarni nishonlash davrida qoʻshimcha ishlanmaydigan kunlarni belgilash va dam olish kunlarini koʻchirish toʻgʻrisida»gi Farmoniga muvofiq, Mustaqillik bayrami munosabati bilan 2 sentabr — shanba qoʻshimcha dam olish kuni sifatida belgilanganligi sababli 1-3 sentabr barcha uchun dam olish kunlari sanaladi.
"Shu munosabat bilan respublikamizdagi barcha maktablarda yangi — 2023/2024-oʻquv yili dars jarayonlari 2023-yil 4-sentabrdan (dushanba kuni) boshlanishini maʼlum qilamiz", deyiladi xabarda.