Turkmaniston prezidenti Shavkat Mirziyoyevni birinchi boʻlib tabrikladi
Bugun Shavkat Mirziyoyev 66 yoshga toʻldi.
Turkmaniston prezidenti Serdar Berdimuhamedov Oʻzbekiston rahbari Shavkat Mirziyoyevga tugʻilgan kuni munosabati bilan tabrik yoʻlladi, deya xabar bermoqda “Betaraf Turkmaniston” gazetasi.
Bugun Shavkat Mirziyoyev 66 yoshga toʻldi.
"Sizning dono va uzoqni koʻzlagan siyosatingiz tufayli Oʻzbekiston Respublikasi oʻz taraqqiyotining yangi bosqichiga qadam qoʻydi. Bugun Oʻzbekistonda xalq farovonligini, mamlakatimizning jahon miqyosidagi nufuzini yuksaltirishga qaratilgan keng koʻlamli oʻzgarishlar amalga oshirilmoqda", – deydi Turkmaniston rahbari oʻz tabrigida.
Prezident Serdar Berdimuhamedov Turkmaniston va Oʻzbekiston Respublikasi oʻrtasidagi ikki tomonlama hamkorlikka toʻxtalar ekan, ikki mamlakat xalqlari oʻrtasidagi doʻstlik va qardoshlik munosabatlari anʼanaviy tarzda mustahkam qoʻshnichilik, teng huquqlilik, hurmat va oʻzaro yordam rishtalariga asoslanganini taʼkidladi, deyiladi xabarda.
Berdimuhamedov tabrik soʻnggida Mirziyoyevga mustahkam sogʻliq va Oʻzbekiston xalqiga farovonlik tilagan.