Shavkat Mirziyoyev Sergeliga bordi
Davlat rahbari “Alutex” korxonasidagi ish jarayoni va mahsulotlarni koʻzdan kechirdi.
Shavkat Mirziyoyev 21 iyul kuni Toshkentning Sergeli tumanidagi “Alutex” korxonasi faoliyati bilan tanishdi.
Joriy yil may oyida “Alutex” masʼuliyati cheklangan jamiyati tomonidan oyna va quyosh panellari uchun profillar tayyorlash loyihasi ishga tushirildi. Bu korxona 350 dan ortiq turdagi, yiliga 30 ming tonna alyumin profil ishlab chiqarish quvvatiga ega.
Davlat rahbari bu yerdagi ish jarayoni va mahsulotlarni koʻzdan kechirdi.
Korxonaga Italiya, Janubiy Koreya va Turkiyadan eng zamonaviy uskuna va jihozlar keltirib oʻrnatilgan. Natijada 400 ta yangi ish oʻrni yaratilgan. Sentabr oyidan qoʻshimcha yangi 130 turdagi alyumin profillar ishlab chiqarish yoʻlga qoʻyiladi. Import oʻrnini bosishdan tashqari, mahsulotlarning bir qismini eksportga yoʻnaltirish rejalashtirilgan.