Oziq-ovqat xavfsizligi boʻyicha 7 yillik yangi dastur ishlab chiqiladi

Shavkat Mirziyoyev Rimda BMT Oziq-ovqat va qishloq xoʻjaligi tashkiloti (FAO) bosh direktori Syuy Dunʼyuy bilan uchrashuvda shunga kelishib oldi.

Iqtisod
9-iyun 2023 yil
Oziq-ovqat xavfsizligi boʻyicha 7 yillik yangi dastur ishlab chiqiladi

Oziq-ovqat xavfsizligi, fundamental ilmiy tadqiqotlar, qishloq xoʻjaligini raqamlashtirish, Orolboʻyining ekologik muammolarini hal qilish va boshqa sohalarda aniq loyiha va tadbirlarni amalga oshirishni nazarda tutadigan 2030 yilga qadar hamkorlik boʻyicha yangi keng koʻlamli dastur ishlab chiqiladi.

Shavkat Mirziyoyev Rimda BMT Oziq-ovqat va qishloq xoʻjaligi tashkiloti (FAO) bosh direktori Syuy Dunʼyuy bilan uchrashuvda shunga kelishib olgan.

Uchrashuvda agrar tarmoqni modernizatsiya qilish va oziq-ovqat xavfsizligini taʼminlash, FAO shafeligida Samarqandda oʻtkaziladigan yuqori darajadagi xalqaro konferensiyaga tayyorgarlik masalalari ham muhokama qilingan.

Maʼlumot uchun, Oʻzbekistonda FAO ofisi faoliyat yuritadi. Oxirgi bir necha yilda hamkorlik portfeli uch barobar kengaygan. Bu yer va suvdan foydalanish, agrosanoat majmui, oʻrmon xoʻjaligi, ekologiya, chorvachilik va koʻplab boshqa yoʻnalishlarni qamrab olgan.

© 2023 Platina.uz. Barcha huquqlar himoyalangan. «Platina.uz» saytida joylangan ma'lumotlar muallifning shaxsiy fikri. Saytda joylangan har qanday materiallardan yozma ruxsatsiz foydalanish ta'qiqlanadi.
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 02.12.2022 sanasida №051412 sonli guvohnoma bilan OAV sifatida roʻyxatga olingan.
Platina.uz saytida reklama joylashtirish masalasida +998 97 022 01 10 telefon raqamiga (Telegram: Platina PR) murojaat qiling. Tahririyat bilan aloqa: info@platina.uz
18+