Jizzax hokimi xitoyliklar uchun byudjetdan pul ajratdi va buni yashirib qoʻydi

Jizzax viloyati hokimi Xitoyning Delong Stil Co.LTD kompaniyasi raisi boshchiligidagi delegatsiyani kutib olishga byudjetdan pul sarflagan.

Davlat xaridlari
8-iyun 2023 yil
Jizzax hokimi xitoyliklar uchun byudjetdan pul ajratdi va buni yashirib qoʻydi

Jizzax viloyati hokimi farmoyishi bilan Xitoyning Delong Stil Co.LTD kompaniyasi raisi boshchiligidagi delegatsiyani kutib olish uchun davlat byudjetidan 150 mln. soʻm ajratilgan, ammo bu hujjat E-qaror saytida yashirib qoʻyilgan.

7-8 iyun kunlari boʻlib oʻtadigan bu tashrifda mehmonlarni ovqatlantirish uchun 81 mln. soʻm, sovgʻalarga esa 69 mln. soʻm ajratilgan.

Jizzaxda bu birinchisi emas. Avvalroq Rossiyaning Omsk viloyati gubernatorini munosib kutib olish uchun davlat byudjetidan qariyb 137 mln. soʻm sarflangandi.

14-15 dekabrda Jizzaxga kelgan gubernator A.Burkovga qimmatbaho sovgʻa sifatida 47 mln. soʻmlik tarixiy koʻza xarid qilingan, qolgan pullar boshqa xarajatlarga sarflangan.

Hokimning bu haqdagi farmoyishi ham Ye-qaror platformasida yashirib qoʻyilgan. Yashirish sababi sifatida shaxsga doir doir maʼlumotlar roʻkach qilingan.

© 2023 Platina.uz. Barcha huquqlar himoyalangan. «Platina.uz» saytida joylangan ma'lumotlar muallifning shaxsiy fikri. Saytda joylangan har qanday materiallardan yozma ruxsatsiz foydalanish ta'qiqlanadi.
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 02.12.2022 sanasida №051412 sonli guvohnoma bilan OAV sifatida roʻyxatga olingan.
Platina.uz saytida reklama joylashtirish masalasida +998 97 022 01 10 telefon raqamiga (Telegram: Platina PR) murojaat qiling. Tahririyat bilan aloqa: info@platina.uz
18+