Jurnalistni soʻkkan shaxsga ish ochildi
Osiyo koʻchasidagi koʻp qavatli uylardan birining oldida u jamiyatda yurish-turish qoidalarini mensimasdan jamoat tartibini buzgan.
Toshkentda MY-5 telekanali jurnalistini haqorat qilgan shaxsga nisbatan maʼmuriy ish ochilgan. Bu haqda shahar IIBB xabar beryapti.
Ularning talqiniga koʻra, Mirzo Ulugʻbek tumani Osiyo koʻchasidagi koʻp qavatli uylardan birining oldida 1993 yilda tugʻilgan M.Ya. jamiyatda yurish-turish qoidalarini mensimasdan jurnalist O.Teshayev bilan ogʻzaki janjallashib, jamoat tartibini buzgan.
Mirzo Ulugʻbek tumani IIO FMB Maʼmuriy javobgarlik toʻgʻrisidagi kodeksning 183-moddasi ("Mayda bezorilik") bilan maʼmuriy bayonnoma rasmiylashtirgan.
Aytilishicha, hujjatlar oʻrnatilgan tartibda koʻrib chiqishlik uchun jinoyat ishlari boʻyicha tuman sudiga taqdim etiladi.
Eslatib oʻtamiz, jurnalist koʻp qavatli uyda noqonuniy qurilish boʻyicha tushgan murojaatni oʻrganish uchun borgandi.