Shimoliy va Janubiy Koreya oʻrtasida urush boshlangan kun

Platina.uz 25 iyun bilan bogʻliq muhim voqeliklarni jamladi.

Xalqaro dengizchilar kuni. Sanani bayram sifatida nishonlash 2010 yildan boshlangan. Bu haqda BMTga tegishli xalqaro dengizchilar tashkiloti aʼzolari Manilada oʻtkazilgan konferensiyaning 19-rezolyutsiyasida taklif kiritganlar. Shundan soʻng “Dengizchilar kuni” kasbiy bayram sifatida nishonlanadigan boʻldi. Rezolyutsiya kasbi dengiz bilan bogʻliq boʻlgan barcha insonlarga zarur deb topildi, chunki xalqaro savdo, iqtisod va fuqarolar jamiyatining rivojlanishida dengizchilarning hissalari juda katta. Bu bayram ayniqsa savdo-sotiq flotiga tegishlidir. Jahon savdosining 80 foizi savdo floti dengizchilari orqali amalga oshiriladi. Hattoki Amerikada Savdo floti dengizchisiga atab haykal ham oʻrnatilgan. Bu bayramda nafaqat dengizchilarni tabriklash, balki dengiz flotida uchrab turadigan muammolar, kamchiliklarni bartaraf etishga qaratilgan loyihalar ishlab chiqish gʻoyasi ilgari suriladi.

Voqealar

• 1498 yil — Xitoyda tish pastasi yaratildi.
• 1788 yil – Virjiniya Qoʻshma Shtatlar Konstitutsiyasini ratifikatsiya qilgan oʻninchi shtatga aylandi.
• 1794 yil — Buyuk fransuz inqilobi munosabati bilan Yekaterina II fransuz tovarlari Rossiyada sotilishini taqiqladi.
• 1863 yil — Syogun Tokugava Yaponiyadan barcha chet elliklarni quvib chiqarishni buyurdi.
• 1910 yil — Parijda “Laylaklar” baleti namoyish etildi.
• 1917 yil – jadidchilik harakatining yirik mafkurachisi Abdurauf Fitrat Samarqand jadidlari tomonidan chiqarilgan “Hurriyat” gazetasining bosh muharriri boʻldi.
• 1950 yil — Shimoliy Koreya Janubiy Koreyaga hujum qildi.
• 1953 yil – shimoliy va janubiy Koreya oʻrtasida qurolsizlantirilgan chegara tashkil qilindi.
• 1975 yil – Mozambik Portugaliyadan mustaqillikka erishdi.
• 1991yil — Sloveniya va Xorvatiya Yugoslaviyadan mustaqil boʻldi.
• 1993yil — Litva milliy valyutasiga ega boʻldi.
• 1997 yil — Toshkentda “Ijtimoiy fikr” markazi ochildi.
• 2019 yil – “Saylov kodeksi” tasdiqlandi.
• Vazirlar Mahkamasining “Prezident maktablari toʻgʻrisida nizomni tasdiqlash haqida”, “Toshkent shahrida Vestminster xalqaro maktabini tashkil etish toʻgʻrisida” qarorlari qabul qilindi.

Tavalludlar

• 1894 yil – Raketa texnikasi asoschilaridan biri German Obert;
• 1903yil – “Molxona”, “1984” asarlari muallifi, ingliz yozuvchisi va publitsist Jorj Oruell;
• 1925 yil – oʻz davrining latofatli aktrisasi Virjiniya Patton;
• 1947 yil – Oʻzbekiston Fanlar akademiyasi akademigi, iqtisod fanlari doktori, professor Saidahror Gʻulomov;
• 1953 yil – Oʻzbekiston xalq ustasi, yogʻoch oʻymakori Abdugʻani Abdullayev;
• 1995 yil – oʻzbekistonlik futbolchi, yarim himoyachi Andrey Sidorov.