Prezident Eronga boradi
Tashrif doirasida ikki mamlakat oʻrtasidagi oʻzaro manfaatli hamkorlikni rivojlantirishga qaratilgan qator hujjatlar imzolanishi koʻzda tutilgan.
Shavkat Mirziyoyev ertaga, 18 iyun kuni rasmiy tashrif Eronga boradi. Bu haqda avvalroq xabar bergandik.
Tehron shahrida Eron prezidenti Ibrohim Raisiy va Oliy diniy rahbari Oyatulloh Sayid Ali Xomaneiy bilan uchrashuvlar oʻtkaziladi.
Muzokaralarda Oʻzbekiston bilan Eron oʻrtasidagi koʻp qirrali munosabatlarni hamda ustuvor yoʻnalishlardagi amaliy hamkorlikni yanada rivojlantirishning dolzarb masalalari koʻrib chiqiladi. Mintaqaviy kun tartibi yuzasidan fikr almashiladi.
Tashrif doirasida ikki mamlakat oʻrtasidagi oʻzaro manfaatli hamkorlikni rivojlantirishga qaratilgan qator hujjatlar imzolanishi koʻzda tutilgan.
