Bugun Abdusattorov Norvegiyadagi superturnirdagi ishtirokini boshlaydi
Cuperturnirning umumiy sovrin jamgʻarmasi qariyb 225 ming AQSh dollarini tashkil etadi.
Bugun Norvegiyaning Stavanger shahrida shaxmat boʻyicha nufuzli "Norway Chess" turniri boshlanadi.
Bugun musobaqa doirasida blits bahslari oʻtkaziladi. Unda barcha 9 ta tur oʻyinlari tashkil etiladi. Ertadan boshlab esa klassik bahslar boshlanadi.
Superturnirda oʻzbekistonlik shaxmatchi Nodirbek Abdusattorov ham ishtirok etadi. Shuningdek, musobaqada Magnus Karlsen (Norvegiya), Alirizo Firudja (Fransiya), Xikaru Nakamura (AQSh), Anish Giri (Niderlandiya), Uesli So (AQSh), Fabiano Karuana (AQSh) va boshqa shaxmatchilar ham ishtirok etadi.
Mukofot jamgʻarmasi 2 500 000 norvegiya kronasini (taxminan 225 ming AQSh dollari) tashkil etadi. Gʻolib shaxmatchi 7 50 000 norvegiya kronasini (taxminan 67,5 ming AQSh dollari) qoʻlga kiritadi.
