Oʻzbekiston xalq shoiri Oydin Hojiyeva vafot etdi
Platina.uz jamoasi marhumaning yaqinlari va oila aʼzolariga hamdardlik bildiradi.
Oʻzbekiston xalq shoiri Oydin Hojiyeva uzoq davom etgan xastalikdan soʻng 81 yoshida vafot etdi.
Oydin Hojiyeva 1942 yili Navoiy viloyatining Qiziltepa tumani Boʻston qishlogʻida tugʻilgan. 1960 yili oʻrta maktabni, 1966 yili Toshkent Davlat universitetining filologiya fakultetini tugatgan.
Marhuma 1965-1976 yillarda “Sharq yulduzi” jurnalida adabiy xodim, boʻlim mudiri, 1976-1985 yillar “Saodat” jurnalida boʻlim mudiri, 1985-1995 yillarda “Gulxan”, 1995 yildan esa “Saodat” jurnali bosh muharriri lavozimida mehnat qilgan.