Yongʻin holati boʻyicha jinoyat ishi ochildi
Hodisa shaxobchadagi “MAN” rusumli suyultirilgan gaz tashuvchi avtomashinadan gazni zahira sigʻimiga boʻshatish jaryonida texnika xavfsizligi qoidalarining buzilishi oqibatida yuzaga kelganligi taxmin qilingandi. Samarqand viloyati IIB ushbu holat boʻyicha jinoyat ishi qoʻzgʻatilganini maʼlum qildi.
Paxtachi tumanida sodir boʻlgan yongʻin holati yuzasidan viloyat IIB huzuridagi Tergov boshqarmasi tomonidan Oʻzbekiston Respublikasi Jinoyat kodeksining 259-moddasi 1-qismi bilan jinoyat ishi qoʻzgʻatilib, sudga oid tibbiyot, yongʻin-texnika va sudga oid baholash ekspertizalari tayinlangan.
Avval xabar qilganimizdek, 9 may kuni soat 21:25 da Samarqand viloyati Paxtachi tumani “Yangiobod” MFYda joylashgan aholiga suyultirilgan gaz quyish shaxobchasi hududida yongʻin portlash sodir boʻlgan va yongʻin oʻt oʻchiruvchilar tomonidan ikki yarim soat ichida bartaraf etilgan.
