Akmal Maxmudaliyev Sirdaryo viloyati hokimi etib tasdiqlandi
Guliston shahrida Xalq deputatlari Sirdaryo viloyati Kengashi sessiyasi boʻlib oʻtmoqda. Unda Prezident Shavkat Mirziyoyev ishtirok etmoqda. Bu haqda Prezident matbuot xizmati xabar berdi.
Sessiyada tashkiliy masala koʻrib chiqildi. Prezident Sirdaryo viloyati hokimi lavozimiga hokim vazifasini bajarib kelayotgan Akmal Azimjonovich Maxmudaliyev nomzodini tavsiya etdi.
Nomzod hududni ijtimoiy-iqtisodiy rivojlantirish boʻyicha rejalarini taqdimot qilgach, viloyat hokimini tayinlash masalasi ovozga qoʻyildi. Ovoz berish natijalariga koʻra, Akmal Mahmudaliyev viloyat hokimi etib tasdiqlandi.
Yigʻilish davomida viloyatni yanada rivojlantirish istiqbollari muhokama qilindi, tumanlar hokimlarining rejalari tinglandi.