Nodirbek Abdusattorov xalqaro turnir yarim finaliga yoʻllanma oldi

Shaxmat boʻyicha “Chessable Masters” xalqaro turniri bahslari davom etmoqda.

Ushbu musobaqada ishtirok etayotgan oʻzbekistonlik shaxmatchi Nodirbek Abdusattorov yarim finalga yoʻllanma oldi.

Pley-off tizimida oʻtayotgan turnirning 1/4 finalida Nodirbek hindistonlik Arjun Erigaisini 2,5 : 1,5 hisoblarida magʻlubiyatga uchratdi.

Yarim final bahsi bugun rossiyalik Denis Lazavikka qarshi bahs olib boradi. Gʻolib shaxmatchi turnirning final bosqichiga yoʻllanma oladi.