Oʻzbekistonda 21 aprel falakiy hisob bilan Hayit kuni deb eʼlon qilindi
“Hanafiy mazhabimizdagi asosiy qoida “Magʻrib ahli koʻrgan hilol bilan Mashriq ahli ish koʻrishi lozim”ligiga asoslanib, Oʻzbekiston respublikasida ham bizning boshqa qoʻshni davlatlar kabi 21 aprel falakiy hisob bilan Hayit kuni boʻlishligi toʻgʻri” ekanligi Oʻzbekiston musulmonlari idorasi tomonidan tasdiqlandi.
Siyosat
20-aprel 2023 yil
![Oʻzbekistonda 21 aprel falakiy hisob bilan Hayit kuni deb eʼlon qilindi](https://cp.platina.uz/media/CACHE/images/%D0%A5%D0%B8%D0%BB%D0%BE%D0%BB_1111.18429105f66f.webp)
“Hanafiy mazhabimizdagi asosiy qoida – “Magʻrib ahli koʻrgan hilol bilan Mashriq ahli ish koʻrishi lozim”ligiga asoslanib, Oʻzbekiston respublikasida bizning boshqa qoʻshni davlatlar kabi 21 aprel falakiy hisob bilan Hayit kuni boʻlishligi toʻgʻri ekanligini tasdiqlab turibmiz. Lekin biz yana oʻsha Oyni kuzatuvchilarimizdan keladigan xabarni olmaganimiz uchun toʻla fatvoimizning oxirgi xulosasini bera olmayapmiz. Aslida falakiy hisob bilan 21 aprel Hayit kuni boʻlganligini aniq boʻlgan”, dedi Oʻzbekiston musulmonlari idorasi raisi, muftiy Nuriddin domla Xoliqnazarov.