Yevrodavlatlar yana bir yil gaz tejashga qaror qildi
Yevropa ittifoqiga aʼzo davlatlar tabiiy gazdan foydalanishni 15 foizga koʻngilli ravishda qisqartirish kelishuvini yana 12 oyga uzaytirishga qaror qilishdi.
Jahon
28-mart 2023 yil
![Yevrodavlatlar yana bir yil gaz tejashga qaror qildi](https://cp.platina.uz/media/CACHE/images/gz700.4f15749618e7.webp)
YeI kengashi masʼullarining aytishicha, bunday chora keyingi yil qishga zaxira tayyorlash uchun amalga oshirilgan. Shu tariqa yevropaliklar 2024 yil 31 martgacha oʻz xohishlari bilan odatiy gaz isteʼmolini 15 foizga qisqartiradi.
Rossiya - Ukraina urushi oqibatida 2022 yilda Yevropa ittifoqi ruslarga sanksiyalar qoʻllagan, bunga javoban Rossiya ularni gazdan uzib qoʻygandi. Chunki Yevropani gaz bilan Rossiya taʼminlab turardi.
Oʻsha paytda koʻpchilik mutaxassislar Yevropa endi qishda sovuq qotadi, muzlaydi, katta talafot bilan chiqadi, deya taʼmin qilgandi. Ammo unday boʻlmadi, YeI aholisi yana birlashib, oqilona va sabr bilan bahorga yetib kelishdi.