Oʻzbekistonda kuzatilgan eng kuchli zilzilalar maʼlum boʻldi

Oʻzbekiston geologik joylashuvga koʻra Oʻrtayer dengizi - Osiyo seysmik kamarida joylashgan. Shu bois, respublikamiz va unga chegaradosh hududlarda tez-tez zilzilalar sodir boʻlib turadi.

Mutaxassislar maʼlumotiga koʻra, 1900 yildan shu kunga qadar mamlakatimiz hududida 60 dan ortiq kuchli zilzila sodir boʻlgan. Bu yer silkinishlarining magnitudasi 5 dan yuqori.

Soʻnggi 10 yil mobaynida esa respublikamizda jami olti marotaba 6-8 balli zilzilalar sodir boʻlgan, natijada qurbonlar soni 16 kishini, jabrlanganlar esa 54 nafarni tashkil qilgan. Talofatdan koʻrilgan zarar miqdori 84 mlrd. soʻmni tashkil etadi.