Afgʻonistonda Navroʻz bayramini nishonlash taqiqlandi

“Tolibon”ning ezgulikni targʻib qilish va illatlarning oldini olish boʻlimi Navroʻz bayramini Sevishganlar kuni bilan tenglashtirdi. Bu haqda Sputnik Afgʻoniston xabar berdi.

Qayd etilishicha, Daykundi viloyati Kiti tumanida axloq politsiyasi shunday eʼlon chiqargan. Unda Navroʻz bayrami Sevishganlar kuniga tenglashtiriladi.

Maʼlum boʻlishicha, “Tolibon” musulmonlarda faqat ikkita bayram: Roʻza hayiti (Iyd al-Fitr) va Qurbon hayiti (Iyd al-Adha) borligini taʼkidlagan. Shu bilan birga, “Tolibon” xabarida Navroʻz islomgacha boʻlgan jaholatdan kelib chiqqanligi aytiladi.

“Kofirlarning bayramini nishonlaganlar, ulardan biri boʻladi. Shuning uchun Kiti viloyatida Navroʻz bayramini nishonlaganlar shariat boʻyicha javobgarlikka tortiladi”, — deydi “Tolibon”ning axloq politsiyasi.