Farhod Abdullayev oilasida judolik sodir boʻldi

Aktyor Farhod Abdullayevning onasi vafot etdi. Bu haqda Kinematografiya agentligi xabar berdi.

"Kinematografiya agentligi Oʻzbekistonda xizmat koʻrsatgan artist, kino va teatr aktyori Farhod Abdullayevga volidai muhtaramalarining vafoti munosabati bilan chuqur hamdardlik izhor qiladi" deyiladi xabarda.

Farhod Abdullayev 1957 yil 1 oktabrda Qashqadaryo viloyatida tavallud topgan.Koʻp yillardan buyon Oʻzbek milliy akademik drama teatrida faoliyat yuritadi.

Aktyor ijodi davomida “Olovli yoʻllar”, “Bomba”, “Koʻngil koʻchalari”, “Oʻrtok Boykenjayev”, “Sevinch”, “Chashma”, “Jannat kaydadir”, “Afgʻon”, “Zarb”, “Berlin-Oqqoʻrgʻon”, “Yerkak” kabi filmlarda va koʻplab spektakllarda suratga tushgan.