Oʻzbekistonda ob-havo keskin sovib ketishi mumkin
11-12 dekabrda respublika hududiga juda sovuq havo massasi kirib kelishi kutilmoqda.
Dekabr oyining ikkinchi oʻn kunligida Oʻzbekiston hududida juda sovuq ob-havo kuzatilishi mumkin.
Jahon prognoz markazlarining dastlabki hisob-kitoblariga koʻra, Ural va Gʻarbiy Qozogʻiston orqali Rossiyaning shimoliy Yevropa hududlaridan 9-10-dekabr kunlari Oʻzbekistonning shimoliy hududlariga, 11-12-dekabrda esa butun respublika hududiga juda sovuq havo massasi kirib kelishi kutilmoqda.
10-11-dekabr kunlari respublika boʻylab yogʻingarchilik boʻladi (yomgʻir, qorga aylanishi mumkin).
Havoning harorati asta-sekin pasayadi va 11-12-dekabrda kechasi 7-10 daraja sovuqgacha, kunduzi 0-3 darajagacha pasayadi, shimolda kechasi 12-17 daraja sovuq, kunduzi 5-10 daraja sovuq boʻlishi kutilmoqda.
Toshkentda: 10-11 dekabrda, vaqti-vaqti bilan yogʻingarchilik (yomgʻir, qorga aylanishi mumkin). 11-12-dekabrda havo harorati kechasi 7-10 daraja sovuq, kunduzi 0-3 daraja sovuqgacha pasayadi.
9-12-dekabr kunlari uchun ob-havo maʼlumoti maslahatomuz hisoblanadi. Yanada aniq maʼlumot tez kunda eʼlon qilinishi aytilgan.
