Andijonda 152 mingdan ortiq kambagʻal oila bor — hokim
Shuhrat Abdurahmonov viloyatdagi vaziyat yuzasidan hisobot bergan.
Andijon viloyatida 152 mingdan oshiq kambagʻal oila borligi maʼlum qilindi. Bu haqda viloyat hokimi Shuhrat Abdurahmonovning 2023 yil 11 oyidagi ishlar yuzasidan hisobotida aytiladi.
2022 yil oxiriga koʻra, viloyatda kambagʻallik darajasi 17,5 foiz boʻlib, 2023 yil oxirida bu koʻrsatkich 15,6 foizni tashkil etilishi kutilmoqda, deyiladi hujjatda.
Shuningdek, 5 ming 434 ishsiz aholiga 36,5 mlrd. soʻm subsidiya berilgan.
Berilgan rasmiy maʼlumotga koʻra, joriy yil 16 ming 183 oila kambagʻallikdan chiqarilgan.
Hokim hisobotiga koʻra, ishsizlik 9,1 foizdan 8,5 foizga tushirildi.
