2023 yil trendlari va "qovunlari"
Platina.uz yil davomida ommalashgan videolarni saralab chiqdi.
Har davrning maxsus iboralari, oʻziga xos jumlalari bor. Zamon rivoji bilan bugun koʻp maʼlumotlar haqida internet, ijtimoiy tarmoqlar orqali xabardor boʻlyapmiz. Aytaylik, kim qayerda yuribdi, bugun qaysi soʻz trendda, kim nima deb qovun tushirdi?
Avval trendlar manbai kino yoki kitoblar boʻlgan, bugun bu vazifani Instagram yoki Tiktok bajarmoqda. Trendlar shu darajada ommalashdiki, ular “Choy, choy, namuncha koʻp choy ichishadi bular?!”, “Margʻilonda shunday kelinimiz bor ekan-u, bilmagan ekanmiz”, “Xoʻsh, innankeyin-chi...” kabi iboralardek soʻzlashuvga ham kirib kelmoqda.
Yoki amaldorlarimiz baʼzan vaziyatdan chiqish uchun, baʼzan oʻylab-oʻylamay notoʻgʻri yoki aqlbovar qilmas gaplarni aytishadi. Bu esa tabiiyki, aholining eʼtiborini jalb qilib, ensasining qotishiga sabab boʻladi.
Platina.uz 2023 yilda kuzatilgan shunday “qovunlar” va trendga aylangan iboralarni jamladi.
Odinaxon Dehqonova,
Fazilat Soib tayyorladi.