Kinoshunos Joʻra Teshaboyev vafot etdi
Uning ilmiy ishlari kino sanʼati nazariyasi va tarixiga oid masalalarga bagʻishlangan.
Fanlar akademiyasi Sanʼatshunoslik instituti professori, taniqli kinoshunos Joʻra Teshaboyev vafot etdi.
Bu haqda Respublika Kinoarboblar uyushmasi xabar berdi.
Joʻra Teshaboyev Oʻzbekistonda xizmat koʻrsatgan sanʼat arbobi (1989), Sanʼatshunoslik fanlari doktori, professor (1991). Kiyev universitetini tugatgan (1956).
U 1956—1958 yillar Andijon maorif boʻlimida ishladi, 1958— 60 yillar "Oʻzbekfilm"da muharrir, 1960 yildan Sanʼatshunoslik institutida avval aspirant, ilmiy xodim, 1987-yildan kino va televideniye boʻlimining boshligʻi, 1968 yildan Sanʼat institutida faoliyat yuritgan.
Ilmiy ishlari kino sanʼati nazariyasi va tarixiga oid masalalar, shuningdek, oʻzbek ekran sanʼati arboblari ijodiga bagʻishlangan.
