Tashqi ishlar vaziriga oʻrinbosarlar tayinlandi
Bu haqda vazirlik matbuot xizmati xabar berdi.
Jamiyat
29-dekabr 2023 yil
Tashqi ishlar vaziriga oʻrinbosarlar tayinlandi. Bu haqda vazirlik matbuot xizmati xabar berdi.
Vazir oʻrinbosari boʻlib ishlayotgan Bahromjon Aʼloyev vazirning birinchi oʻrinbosari etib tayinlandi. U 2022 yil noyabrdan tayinlangan edi.
Shuningdek, Muzaffarbek Madrahimov va Rahmatulla Nurimbetov Tashqi ishlar vaziri oʻrinbosarlari etib tayinlandi.
M.Madrahimov tayinlovga qadar Tashqi ishlar vazirligining Amerika, Yevropa mamlakatlari va Yevropa Ittifoqi institutlari bilan hamkorlik departamentiga, R.Nurimbetov esa MDH mamlakatlari bilan hamkorlik departamentiga rahbarlik qilgan.
