Parranda goʻshtiga nol stavka qoʻllaniladi
Isteʼmol bozorlarida asosiy turdagi oziq-ovqat mahsulotlari narxlarini barqaror ushlab turish boʻyicha prezident farmoni imzolandi.
2024 yil 1 yanvardan 2025 yil 1 yanvarga qadar quyidagi mahsulotlarni Oʻzbekiston hududiga olib kirishda bojxona bojining nol stavkasi qoʻllaniladi.
Prezident farmoniga koʻra:
- 0105-tovar pozitsiyasida koʻrsatilgan yangi soʻyilgan, sovutilgan yoki muzlatilgan uy parrandasi goʻshti va qoʻshimcha ozuqabop mahsulotlar (TIF TN kodi 0207);
- kimyoviy tarkibi oʻzgartirilmagan holda tozalangan yoki tozalanmagan kungaboqar, maxsar yoki paxta moyi va ularning fraksiyalari (TIF TN kodi 1512).
Shuningdek, prezidentning 2022 yil 31 maydagi farmoni 1-ilovasi va 2023 yil 23 martdagi farmoni ilovasida keltirilgan tovarlarga import bojxona bojining nol stavkasini qoʻllash muddati 2025 yil 1 yanvarga qadar uzaytirildi.