Shavkat Mirziyoyev Rossiyaga joʻnab ketdi
Sankt-Peterburgda MDH rahbarlari yigʻiladi.
Oʻzbekiston Prezidenti Shavkat Mirziyoyev 25 dekabr kuni amaliy tashrif bilan Sankt-Peterburg shahriga joʻnab ketdi.
Prezident Mustaqil Davlatlar Hamdoʻstligiga aʼzo davlatlar rahbarlarining norasmiy sammitida ishtirok etadi.
Boʻlajak tadbir doirasida Hamdoʻstlik mamlakatlari yetakchilari yilning asosiy yakunlarini sarhisob qiladilar hamda MDH makonida koʻp tomonlama hamkorlikni yanada rivojlantirishning dolzarb masalalarini koʻrib chiqadilar.