Navoiyda "Kobalt" kutilmaganda portlab ketdi, qurbon bor
Haydovchi jarohat olib, shifoxonaga yotqizilgan.
Navoiyda "Kobalt" avtomobili kutilmaganda portlab ketdi, natijada voyaga yetmagan bola vafot etgan. Bu haqda viloyat IIB xabar berdi.
24 dekabr soat 09:50larda fuqaro F.D oʻz boshqaruvida boʻlgan, "Kobalt" rusumli avtomashinasi bilan Qiziltepa tumanidagi “Burger” kafesi oldidagi avto turargohda boʻlgan vaqtda avtomashinaga oʻrnatilgan metan gaz balloni portlab ketishi natijasida haydovchi F.D va uning 3 yoshlik voyaga yetmagan farzandi R.Sh turli darajadagi tan jarohatlari olib, tuman Tibbiyot birlashmasiga yotqizilgan.
Voyaga yetmagan R.Shga koʻrsatilgan tibbiy muolajalarga qaramasdan u shifoxonaning jonlantirish boʻlimida vafot etgan.
Hozirda holat yuzasidan Qiziltepa tumani IIB tergov boʻlimi tomonidan tergovga qadar tekshiruv harakatlari olib borilmoqda, deyladi xabarda.