"Baxti Tashkentskiy"ning oʻgʻli ham ushlandi
IIBB yana olti kishi ushlanganini eʼlon qildi.
Toshkentda tezkor tadbirlarda yana olti kishi qoʻlga olindi, ular orasida qonundagi oʻgʻri "Baxti Tashkentskiy" ning oʻgʻli Ixtiyor Qudratullayev ushlandi.
Poytaxtda Toshkent shahar IIBB va hamkor tashkilotlar tomonidan oʻtkazilayotgan tezkor-profilaktik tadbirlarning “Dolzarb qirq kunligi” doirasida bir qator jinoyatlarni sodir etgan quyidagi shaxslar ushlanib, gumon qilinuvchi tarzida jalb etilgan:
1. 1996 y.t. Qudratullayev Ixtiyor Baxtiyor oʻgʻli (Oʻzbekiston Respublikasi Jinoyat kodeksi 165-moddasi 3-qismi);
2. 1994 y.t. Zafarov Begzod Baxtiyorovich (Oʻzbekiston Respublikasi Jinoyat kodeksi 165-moddasi 2-qismi);
3. 1983 y.t. Jumaniyazova Nargiza Rustamovna (Oʻzbekiston Respublikasi Jinoyat kodeksi 165-moddasi 2-qismi);
4. 1975 y.t. Badalov Djaxongir Djurayevich (Oʻzbekiston Respublikasi Jinoyat kodeksi 165-moddasi 3-qismi, 168-moddasi 1-qismi);
5. 1978 y.t. Sulaymonqulov Sherali Roʻziyevich (Oʻzbekiston Respublikasi Jinoyat kodeksi 165-moddasi 3-qismi);
6. 1995 y.t. Tursunboyev Akmaljon Narimon oʻgʻli (Oʻzbekiston Respublikasi Jinoyat kodeksi 165-moddasi 2-qismi).
Toshkent shahar IIBB Tergov boshqarmasi tomonidan tergov qilinayotgan jinoyat ishi doirasida gumon qilinuvchilarga nisbatan qamoqqa olish tarzidagi ehtiyot chorasi qoʻllangan. Tergov davom etmoqda.
Eslatib oʻtamiz, "Baxti Tashkentskiy" shu oyning boshida ushlangandi.