Tomdi tumaniga vaqtinchalik rahbar tayinlandi

Orzumurod Umarovga Tomdi tumani hokimi vazifasini vaqtincha bajarish topshirildi. Xalq deputatlari Tomdi tumani kengashining navbatdan tashqari oltmish uchinchi sessiyasi boʻlib oʻtdi.

Tashkiliy masala koʻrib chiqilgan mazkur sessiya ishida Navoiy viloyati hokimi Normat Tursunov soʻzga chiqib, Q.Aldabergenovni tuman hokimi lavozimidan ozod etish toʻgʻrisida qabul qilingan viloyat hokimining qarorini oʻqib eshittirdi.

Ushbu qaror xalq deputatlari Tomdi tumani Kengashi deputatlari tomonidan maʼqullandi.

Shuningdek, tumanning ijtimoiy-iqtisodiy rivojlanish koʻrsatkichlari yuzasidan ham axborot berildi, deyiladi viloyat hokimligi xabarida.