Pragada talaba 15 kishini otib oʻldirdi, oʻnlab kishilar jarohatlandi

Hozirda otishma tashkilotchisi oʻldirilgan. 

Jahon
22-dekabr 2023 yil
Pragada talaba 15 kishini otib oʻldirdi, oʻnlab kishilar jarohatlandi

Pragadagi Karlov universiteti binolaridan birida yuz bergan otishma natijasida 15 kishi halok boʻldi, jinoyatchi ham oʻldirildi, deya xabar bermoqda Chexiya favqulodda xizmatlari.

Hodisa oqibatida 25 kishi jarohatlangan. Kamida toʻqqiz kishi ogʻir, besh nafari oʻrtacha va 10 nafarga yaqini yengil tan jarohati olgan”, — deyiladi favqulodda xizmatlar xabarida.

Avvalroq Chexiya politsiyasi X (sobiq Tvitter) ijtimoiy tarmogʻida hujumchi “yoʻq qilingani” haqida yozgan. Politsiyaning soʻzlariga koʻra, payshanba kuni otishma sodir etgan shaxsning otasi ham oʻlik holda topilgan.

Chexiya politsiyasi rahbari Martin Vondrashek hujumchining oʻlimi sababi oʻz joniga qasd qilish boʻlishi mumkinligini aytdi, biroq rasmiylar uning politsiya tomonidan otib oʻldirilgani ehtimolini ham tekshirmoqda.

Politsiya jinoyatchi universitet talabasi ekanligini va uning jasadi maktab yonidan topilganini tasdiqladi.

U 24 yoshda boʻlib, Pragadan 21 km uzoqlikda joylashgan shaharchada yashagan.

Hujumning aniq sabablari hozircha nomaʼlum, ammo politsiya buni xalqaro terrorizm bilan bogʻliq deb hisoblamaydi. 

© 2023 Platina.uz. Barcha huquqlar himoyalangan. «Platina.uz» saytida joylangan ma'lumotlar muallifning shaxsiy fikri. Saytda joylangan har qanday materiallardan yozma ruxsatsiz foydalanish ta'qiqlanadi.
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 02.12.2022 sanasida №051412 sonli guvohnoma bilan OAV sifatida roʻyxatga olingan.
Platina.uz saytida reklama joylashtirish masalasida +998 97 022 01 10 telefon raqamiga (Telegram: Platina PR) murojaat qiling. Tahririyat bilan aloqa: info@platina.uz
18+