Kolorado sudi Trampning saylovlarda qatnashishini taqiqladi
Bu Tramp tarafdorlarining Kapitoliyga bostirib kirishi bilan bogʻliq.
Kolorado shtati sudi Donald Trampga prezidentlikka nomzodini qoʻyishini taqiqladi.
AQShning Kolorado shtati Oliy sudi sobiq prezident Donald Trampni 2021 yil 6 yanvar voqealarida uning tarafdorlari Kapitoliyga bostirib kirgani sabab, 2024 yilda AQSh prezidentligiga nomzodlar roʻyxatidan chiqarib tashlash haqida qaror chiqardi.
Qarorga koʻra, Donald Tramp AQSh tarixidagi prezidentlikka nomzodi taqiqlangan birinchi shaxs boʻldi, u “qoʻzgʻolon” bilan shugʻullangan amaldorlarning davlat lavozimlarini egallashini taqiqlovchi kamdan-kam qoʻllaniladigan konstitutsiyaviy qoidaga koʻra Oq uyni egallash huquqiga ega emas.
Sud 4:3 nisbat ovoz bilan daʼvogarning “AQSh hukumatiga qarshi zoʻravonlikni qoʻzgʻatishdagi” roli tufayli saylov byulleteniga chiqishini taqiqlaydi, deb topdi.
Sud qarori faqat Koloradoda 5 mart kuni boʻlib oʻtadigan Respublikachilar partiyasining praymerizlariga taalluqlidir, biroq bu qaror Trampning 5 noyabrda boʻlib oʻtadigan umumiy saylovdagi obroʻsiga ham taʼsir qilishi mumkin.
Qarorning kuchga kirishi keyingi oy apellyatsiya berilgunga qadar kechiktirildi.
Tramp saylovoldi kampaniyasi sud qarorini notoʻgʻri va nodemokratik deb atadi va AQSh Oliy sudiga shikoyat qilinishini aytdi.
Boshqa shtatlarda Trampni saylov byulletenidan chetlatish boʻyicha avvalgi bir necha urinishlar muvaffaqiyatsizlikka uchradi.